| 
ZA SULÌA
Giuseppe Battaglia
La za Sulìa unn c'jia chiù
chiudiu l'occhi parrannu parrannu
e parìa ca ridìa
mentri muntuava li so morti
dicìa ca a la morti
si ni jiava n-paradisu
si ci arriniscìu unn lu sacciu
ma lu zu Caloriu
quannu lu tabbutu
passàu nta la chiazza
si livàu la còppula
accuzzàu la testa
Filippu chiancìa
comu un babbu
e lu zu Pippinu
ca a lu ponti ammulava lu cuteddu
quannu lu tabbutu
fui dda davanzi
si misi rittu mpalatu
comu quannu sona lu friscalettu
lu zu Turiddu ca vulìa pàriri
na pàssula si canciàu nta la facci
la za Sulìa
binidicennu cu la manu ritta
si ni jiava
all'àrvuli pizzuti
nta lu stissu paisi
nta la stissa jiurnata di suli
cu li stissi cristiani vicinu
parrannu parrannu
ci mittissi la firma
a mòriri.
- - - - - - - - - - - - - - - - - - - - - - - - - - - - -
In Italiano:
ZA SULÌA
La za Sulìa non c'è più
ha chiuso gli occhi parlando parlando
e sembrava che ridesse
mentre nominava i suoi morti
diceva che alla morte
se ne andava in paradiso
se le è riuscito non lo so
ma lo zu Caloriu
quando il tabuto
passò per la piazza
s'è tolto la coppola
ha chinato la testa
Fulippu piangeva
come un scemo
e lo zu Pippinu
che al ponte arrotava il coltello
quando il tabuto
fu lì davanti
si mise dritto impalato
come quando suona lo zufolo
lo zu Turiddu che voleva sembrare impassibile
cambiò di colore in viso
la zu Sulìa
benedicendo con la mano giusta
se ne andava
agli alberi pizzuti*
nello stesso paese
nella stessa giornata di sole
con le stesse persone vicino
parlando parlando
ci metterei la firma
a morire.
------------
Nota
* al cimitero
(Poesia tratta da Campa padrone che l'erba cresce, Bulzoni editore, Roma, 1977.)
Giuseppe Battaglia (Aliminusa, 24 giugno 1951 - Aliminusa, 2 novembre 1995) è stato uno scrittore e poeta italiano.
È stato un poeta dialettale contemporaneo. Se ne sono occupati, tra gli altri, Pier Paolo Pasolini, Leonardo Sciascia (che scrisse la prefazione a La piccola valle di Alì ), Mariella Bettarini, Ignazio Buttitta, Tullio De Mauro, Franco Pappalardo La Rosa e Massimo Ranieri.
  Precedente Successivo  Copertina
|